6 Secret Q. ( Let’s Start …)
الموضوع بإختصار زي ما شفته في بلوجات ومدونات كتيــــــــر
عباره عن اعتراف عن 6 أسرار في حياة كل شخص محدش يعرفه غيره
وبعد كده الشخص الي اعترف ده بيختار 6 أشخاص يعترفوا بعده بس كل واحد في بلوجه
انا غيرت الفكره خالص
انا عايزة أعترف مثلا ب 6 اعترافات وهكتب اسم حد واحد بس يعترف بعدي في البلوج بتاعه
ولما يعترف هو كمان يختار حد واحد بس … وهكذا دواليك
و الشخص اللي تم اختياره يذكر اسم
اللي اختاره ورشحه للموضوع ده في بلوجه لما يعمل الموضوع
خليني أبدأ وأعترف ببعض أسراري مش كتير يعرفها ..
امممم .. أبدأ منين
ايه خلاني اختارهم 6 بس !!
يلا هبدأ أهو خلاص
بسم الله
1-
أول اعتراف هتعرفوه عني .. ومش كتير يعرفه اني عصبيه جدا
مزاجيه بطريقه كبيره بمعني متقلبة المزاج
وده عيب قاتل بيضايقني في شخصيتي جدا .. جاري اصلاحه ان شاء الله
2 –
احساس بقالي كام يوم كده بقوله .. بجد حاسه اني نفسي في بيبي اوي
إحساس الأمومه زايد عندي بطريقه كبيره الأيام دي يمكن عشان ولاد اخواتي ربنا يحميهم
وبدعي ربنا يكرمني بالزوج الصالح
وعلي إثره الذريه الصالحه ان شــــــــــــاء الله
3 -
بعترف اني زدت كتيـــــر ومحتاجه بجد الحق نفسي واخس شويه
مشكلتي لما بزعل أو اضايق أو اتوتر باكل كتير
هحاول اخس والله بس البت كات كات دي ترحمني من العشا بتاع كل يوم
هو ده اللي عمل فيا كده
4 –
بعترف اني ندمت شويه اني مكملتش في الدراسات العليا لان تقديري كان يسمح بده بسهوله
بس كسلت خالص بعد الليسانس ودخلت في مجال الكمبيوتر و الكورسات والفوتوشوب
بس هحاول اقدم واكمل ان شاء الله
5 -
بعترف اني متسرعه جدا في اتخاذ اغلب قراراتي ولازم استشير حد يكون بجد بيحبني
وكمان مشكله تانيه بحكم علي الناس بسرعه كبيره يعني ممكن من اول موقف كده
ولو كان وحش تلاقوني قفلت جامد من الشخصيه دي
مش بقاطعها بس باخد حذري جامد منها
6 -
اخيرا بقي بعترف ان فيه حاجات كتيره اتغيرت في شخصيتي السنه دي
والحمد لله للاحسن مع وجود بعض السلبيات جاري العمل علي التغلب عليها
.
.
بس كده خلصت الحمد لله
هختار مين بقي يعترف 6 اعترافات محدش يعرفها
.
.
.
.
هختار
.
.
.
S a n d y . h
sandy said,
Julpm08 22, 2008 at 02:12 PMJul
ههههههههههههههههههه
سمسمه انتي بتكلمي بجد
حراام عليكي والله يا بت انتي
انا من ساعت ما شوفت توقيعك في المنتدي وانا اتخضيت
المشكله اني اسراري مبتطلعش بره خااالص
حراام عليكي والله
بس طبعاا انتي عارفه اني مقدرش ارفضلك طلب
حااضر هعمل الموضوع في البلوج
بس لن انسي لكي هذا الموقف
يا شريره
simsima84 said,
Julpm08 22, 2008 at 02:12 PMJul
ههههههههههههه
يعني انا الي بحب اوي يا هاجر .. بس فكرة الموضوع عجبتني بجد
وكمان منا اعترفت انا كمان اهو
احمدي ربنا اني محددتش أسئله والله ده كله عشان بحبك
في انتظار موضوعك ومتنسيش تكتبي فكرة سمسمه بقي
eng smsma said,
Julpm08 22, 2008 at 02:12 PMJul
الموضوع صعب جداااااااااااااااااااااااااااااااا
انا اتخضيت اول ما شوفت التوقيع
عسل يا سمسة والله
هاجر حبيبتى ربنا معاكى
ويا ريت لو تقبلى مرورى يا سمسة
wesam said,
Julpm08 22, 2008 at 02:12 PMJul
بجــــــــــــــــــــــد موضوع تحفه ياسمسمه
انا طبعااااااا اول مره فى حياتى ادخل بلوج حد
لان الصراحه مش بحب البلوجات وكده
بس حب استطلاع لما لقيت مكتوب ساندى
هههههههههههههه
ميرسى ع الموضوع ياا سمسمه
sandy said,
Julpm08 22, 2008 at 02:12 PMJul
ههههههههههههههه
ماشي ماااشي منا عارفه ان من الحب ما قتل
علي العموم مش زعلانه والله يا سمسمه
انتي اي حاجه منك حلوه حتي لو مقلب
yasmin said,
Julpm08 22, 2008 at 02:12 PMJul
ههههههههههه
موضوع جامد والله يا سمسمه
وبرافو عليكي انك اختارتي هاجر
هاجر احسن تستاهلي تعيشي وتخدي غيرها
سلام لحين معرفه 6 اسرار ههههههه
katkat89 said,
Julpm08 22, 2008 at 02:12 PMJul
هههههههههههههههه
اييييييييه الاسرااااار دى
بس انا عارفاهااااا كلهااااا
احسن يا هاجر تستاهلى
موضوع جميييييل يا سمسمه
la principessa said,
Julpm08 22, 2008 at 02:12 PMJul
هههههههههههههههههههههههههه
ومن اعترافاتك فى حجات فيا انا كمان للاسف وجارى الاصلاح 
انا برضة دخلت اما لاقيت اسم البت دى
قلت عملت اية من مصايبها اصل انا عارفاها :p
وتعيشى وتاخدى غيرها يا هاجروتة
:p
سمسمة جامد الموضوع
simsima84 said,
Julam08 22, 2008 at 02:12 AMJul
شكرا شكرا يا بنات … بس بلاش شماته في هاجر
لان الدور اكيد هيجي عليكوا
“” ومن اعترافاتك فى حجات فيا انا كمان للاسف وجارى الاصلاح “”
فعلا مش عيب خالص انك تعترفي بعيوبك يا بسمه طالما بتحاولي تصلحي منها
وتعالجيها وتتغلبي عليها
نورتوا الموضووووع والبلوج كلكوا يا احلي بنات
BosyCaT said,
Julpm08 22, 2008 at 02:12 PMJul
سمسمه حبيبتى وحشتييييييييييييييييييييييييييييييييينى جدااااااااا جداااا
وبجد كلكوا وحشتونى بطريقه غبيه
حلو اوى اوى البوست ده والله وحلوة الاعترافات بتاعتك
عرفتنى عليكى اكتر
منتظريين جديدك ان شاء الله ياجميل :-*
6 Secret Q. ( Let’s Start …) « Hend said,
Julpm08 22, 2008 at 02:12 PMJul
[...] فى البداية سمسمة هى اللى عملت الموضوع فى بلوجها [...]