دي حكايتي ليلة وفاتي

صحيت من النوم فجأة في عيني نور غريب وقوي جدا

استغربت جامد النور ده منين ؟
بصيت في الساعة لاقيتها لسه الساعة 3 صباحا
ونور الأوضه مطفي طيب النور ده منين بس !!؟؟

وفجأه سمعت صوت ضحك جامد
ببص جنبي لاقيت أختي جنبي نايمه وبتضحك في الحلم
الغريب اني شفت الحلم وعرفت انها كانت بتضحك
عشان كانت راكبه العربيه الي نفسها فيه
وراكبه مع اصحابها وبيضحكوا وفرحانين جوا الحلم

لما شفتهم بجد ضحكت … بس ايه ده !!
انا ازاي شفت حلمها .. هو فيه ايه ؟؟؟

ايه اللي بيحصل ده؟؟؟
فقمت من سريري

رحت أشوف ماما … كانت لسه نايمه هيا وبابا
قربت منها وناديت عليها براحه بصوت خافت … ماما … ماما !
بس مردتش عليا .. فهزتها بإيدي عشان تسمعني …
برده مردتش عليا … ولا حست بيابدأت أخاف أوي … ورفعت صوتي أكتر  .. ماما … يا ماما ..!!
صرخت … محدش سمعني ….

هو فيه ايه بس ؟؟؟
وفجأه صحيت ماما وكأنها حلمت بكابوس
كانت مفزوعه اوي وبتبص حواليها
ناديت عليها ..

بس برده مسمعتنيش

ماما انتي مش سامعاني  ؟؟؟ !!
ماما عشان خاطري ردي عليا ؟؟؟؟

وفجأه مسكت قلبها وكأن فيه حاجه بتوجعها
وقالت بسم الله الرحمن الرحيم
وبصت لبابا … وبدأت تصحيه من نومه ..
فصحي مفزوع هوا كمان
وقالها ايوه !!؟؟

فيه ايه ؟؟؟؟
قالتله قوم شوف البنات
قالها استعيذي بالله ونامي هيا الساعه كام دلوقتي ؟؟

ماما قالتله انا قلقانه وقلبي وجعني قوم نطمن عليهم
كل ده وانا واقفه وببص عليهم ومحدش فيهم شايفني
بس حسيت ان ماما قلقانه اوي وكأنها شافت حلم وحش لينا
ناديت عليها يا ماما انا هنا .. انتي مش سامعاني بجد !!؟؟؟
فقامت ماما وراحت ناحيه أوضتنا عشان تشوفنا
حاولت أمسك ايديها .. معرفتش
جريت وراها برده مشافتنيش ولا حست بوجودي

فضلت اصرخ يا ماما ازاي مش شايفاني ولا سامعاني
وبابا كان ورايا … برده مش شايفني …
هو فيه ايه بس يا ربي ؟؟
لاقيت ماما فتحت النور .. اومال ايه النور الي في عيوني ده !!!!!!!؟؟
وفجأه ببص في مكاني لاقيتني نايمه لسه في سريري
ازااااااااااااااااااااي ؟؟
بصيت لنفسي بإستغراب وانا مصدومه اومال مين دي وببص عليا
ازاي انا بقيت اتنين وازاي شايفه نفسي
وقطع تفكيري بابا وهو بيقول لماما .. كلهم نايمين اطمني الحمد لله
فردت ماما استني أشوف أسماء
وقربت مني في سريري
ولاقيتها بتبصلي جامد
وحطت ايدها علي كتفي بتصحيني
أسماء .. اصحي يا أسماء
لاقيتني مردتش عليها
فجريت من مكاني ورحت عليها وبرد
أيوة يا ماما انا هنا اهو
ماما بدأ صوتها يعلا شويه
أسمااااء
اصحي
لاقيتها مسكتني جامد وبتهز فيا عشان اصحي
وانا بعيط وبزعق بصوتي انا هنا يا ماما
وفجأه ماما صرخت جامد وهيا بتحضني
وصوت الصرخه وجعلي جسمي جامد
عيطت وقلتلها لاء يا ماما متصرخيش ارجوكي
الصوت ده بيوجعلي جسمي .. كفايه ارجوكي
وهيا بتحضن فيا وتقولي أسماء وبتعيطت اوي
بابا جري عليها
وحط ايده علي قلبي عشان يشوف نبض قلبي
ولاقيت دموعه نزلت و بيبوسني في راسي
وماما بتقوله هيا مالها ؟؟؟

مش بترد عليا ليه ؟؟؟
والاتنين بيعيطوا عليا وانا مش عارفه اعمل ايه ؟؟!!
اختي صحيت من الصوت وبصت عليا مفزوعه
مالها أسماء يا ماما ؟؟؟ !!!!!!!!!
ردت ماما وهيا بتعيط أختك ماتت
عيطت وقلتلهم لاء انا مش ميته انا عايشه اهو
ماما انا هنا انتوا الي مش شايفني
بس مفيش فايده محدش فيهم سامعني
رفعت ايدي لربنا بدعي وبقول يارب
ببص ملقتش سقف لبيتنا !!!!!!!!!!!!!!
وشفت كائنات غريبه غير البشر
وفجأه حسيت بألم فظيع في جسمي كله
بصيت لأختي لاقيتها بتبكي وبتضرب بإيديها علي راسها

وبتبصلي وانا نايمه في سريري
صرخت وقلتلها بس كفايه حرام عليكي انتي بتوجعيني باللي بتعمليه ده
وماما بتعيط في حضن بابا
وصوتهم بيوجعلي جسمي
وانا مش عارفه اتصرف

رفعت راسي للسما وقلت يا رب ساعدني
ايه بيحصلي يارب !!!؟؟؟
وسمعت صوت من بعيد وكل مدي بيقرب مني
ركزت فلاقيته صوت قرآن
وكل مره بيعلي أكتر هزني جامد
‘ لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ ‘
حسيت ان الايه دي موجهه ليا أنا
وفجأه حسيت بكائنات غريبه مسكتني
مش من البشر
وبيقولولي تعالي
قلتلهم فين !!؟؟
انتوا مين ؟؟؟
فشدوني ليهم فصرخت
سيبوني
عايزين مني ايه ؟؟؟؟
انا مع اهلي .. بيحسبوني ميته
فردوا عليا : وأنتي فعلاً ميته
قلتلهم لاء انا عايشه .. انا حاسه بيهم وسامعاهم وشايفاهم
ابتسموا وقالوا: عجيب أمركم يا معشر البشر

أتظنون أن الموت نهاية الحياة؟
ألا تدرون أنكم في البداية؟
وحلم طويل ستصحون منه إلى عالم البرزخ
سألتهم أنا فين ؟؟

… وهتاخدوني فين ؟؟
قالولي : نحن حرسك إلى القبر
ارتعشت من الخوف
قبري ؟؟؟
انا هدخل القبر ؟؟؟؟؟؟؟
فقالولي : كل ابن آدم داخله
هذا شرع الله في ابن آدم
قلت: اكتر كلمة كنت بخاف منها في حياتي ..
وكنت أستعيذ الله منها وأتناساها

سألتهم وجسمي يرتعش من الخوف :

هتسيبوني في القبر لوحدي؟
فقالولي : إنما عملك وحده معك
فاستبشرت وقلت وايه هو عملي؟؟  صالح؟

وفجأه سمعت صريخ البعض حواليا … وبصيت لاقيت اللي بيعيط ..
وغيره بيضحك وفرحان وراضيوكل واحد منهم ليه اتنين زي بالظبط
سألتهم: هو بيعيط ليه؟ !
فقالولي : يعرف مصيره .. كان من أهل الضلال
قلت: هيدخل النار؟ وهو صعبان عليا اوي
طيب وده ؟؟ وكان متبسم وسعيد وراضي .. هيدخل الجنة ؟؟
طيب وانا ؟؟؟؟؟؟
هدخل ايه ؟؟
الجنه ولا النار ؟؟؟
جاوبوني
قالولي : هما كانا يعلمان أين هما في الدنيا .
والآن يعلمون أين هم في الآخرة .
وانتي؟! كيف عشتي دنياك؟؟
قلت مش عارفه
شويه من العمل الصالح وشويه من الطالح؟
أتوب وارجع تاني للمعاصي وبعدين ارجع اتوب تاني ؟
محستش بالوقت الدنيا جريت بيا بسرعه اويملحقتش اعمل حاجات كتير

فقالولي: ليس هذا وقت الندم !!
فصرخت : تقصد ايه .. هدخل النار ؟؟؟
قالولي : النار !؟.. رحمة الله واسعة
ولا زالت رحلتك طويلة ليتحدد مثواكي الاخير

بصيت علي اهلي …

قربت عشان أودعهم

لاقيت عمي وابويا وأخويا وماما واخواتي وصحابي

وكتير بيعيطوا عليا جامد

شايلين صندوق علي كتفهم
جريت ليهم وقربت منهم
صرخت .. وصرخت .. محدش فيهم سمعني
ماما كانت بتعيط جامد …
قطعت قلبي من منظرها … قربت منها
وقلتلها متعيطيش يا ماما ارجوكي
وادعيلي كتير انا محتاجه دعائك اوي

ورحت لبابا وقربت من ودنه
وقلتله استودعك الله يا بابا وخلي بالك من ماما واخواتي
ادعيلي كتير اوي
قربت من اخواتي .. قلتلهم بحبكوا اوي ..
ادعولي كتير وافتكروني دايما ومتنسونيش
تصدقوا ليا خلاص خلص عملي في الدنيا ..
اعملوا ليومكم ده  .. انا فاتني كتير..
بس لسه انتوا قدامكوا الفرصه
وإياكم
والدنيا فإنها رخيصة ولا تنفع من زارها …
وقفت على راسهم كلهم … وصرخت بأعلي صوتي :
هتوحشوني اوي .. انا مش زعلانه علي فراقكم ..
وان شاء الله نتقابل على سرر متقابلين .. أن كنا من أصحاب اليمين ..
محدش رد عليا … كلهم بيعيطوا …كان نفسي يسمعوني
وشدني صحبي .. وأنزلوني قبري
ووضعوا روحي على جسمي في قبري
ورأيت أبي يرش على التراب
حتى ودعني .. وأغلق قبري
لا يشعرون بما أشعر
وأحسدهم على الدنيا …
وقدامهم فرصه كبيره لجمع الحسنات
لكن لا ينفعني ندم
كنت أبكى وكانوا يبكون
كنت أخاف عليهم من الدنيا
وأتمنى إذا صرخت أن يسمعوني
وخرجوا كلهم وسمعت قرع نعالهم
وبدأت حياتي التانيه … في البرزخ ..

لا إله إلا الله … لا إله إلا الله …. لا إله إلا الله

***

نشيد أبو خاطر يتسبب في اعتناق فتاة هولندية للإسلام

الكلمة الطيبة

لها مزايا عديدة تقرب القلوب وتذهب حزنها وتمسح غضبها

وتشعرنا عندما نسمعها أننا في سعادة وحبذا لو رافقتها ابتسامة صادقة

الكلمـة الطيبـة

هي التي تسر السامع وتؤلف القلب
هي التي تحدث أثرا طيباً في نفوس الآخرين
هي التي تثمر عملاً صالحاً في كل وقت بإذن الله
هي التي تفتح أبواب الخير، وتغلق أبواب الشر

خصائـص الكلمـة الطيبـة

أنها جميلة رقيقة لا تؤذي المشاعر ولا تخدش النفوس
جميلة في اللفظ والمعنى
يشتاق إليها السامع ويطرب لها القلب
نتائجها، مفيدة، وغايتها بناءة، ومنفعتها واضحة

قال تعالى:

ألم تر كيف ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء،

تؤتي أكلها كل حين بإذن ربها ويضرب الله الأمثال للناس لعلهم يتذكرون

الدعـوة إلـى الكلمـة الطيبـة في القرآن الكريـم

قال الله تعالى :-

(وقولوا للناس حسناً )

وقال سبحانه:-

(وقل لعبادي يقولوا التي هي أحسن )

وقال سبحانه

( إليه يصعد الكلم الطيب والعمل الصالح يرفعه)

الدعوة إلـى الكلمـة الطيبـة فـي السنـة النبويـة

قال صلى الله عليه وسلم:

((اتقوا النار ولو بشق تمرة، فإن لم تجدوا فبكلمة طيبة ))

قال صلى الله عليه وسلم

( أن العبد ليتكلم بالكلمة من رضوان الله لا يلقي لها بالاً يرفعه الله بها درجات وان العبد ليتكلم بالكلمة من سخط الله لا يلقي لها بالاً يهوى بها في جهنم )

وقال:

((والكلمة الطيبة صدقة ))

وقال

(( من كان يؤمن بالله واليوم الآخر فليقل خيراً أو ليصمت ))

فوائـد الكلمـة الطيبـة

الكلمة الطيبة شعار لقائلها ودليل على طيب قائلها
الكلمة الطيبة تحول العدو إلى صديق بإذن الله،

وتقلب الضغائن التي في القلوب إلى محبة ومودة
الكلمة الطيبة تثمر عملاً صالحاً في كل وقت بإذن الله الكلمة الطيبة تصعد إلى السماء فتفتح لها أبواب السماء، وتقبل بإذن الله
الكلمة الطيبة من هداية الله وفضله للعبد،

قال تعالى :

وهدوا إلى الطيب من القول

الكلمة الطيبة ثوابها ثواب الصدقة
تطيب قلوب الآخرين، وتمسح دموع المحزونين، وتصلح بين المتباعدين
إلى غير ذلك من الفوائد التي لا يعلمها إلا الله .

فلتكن الكلمة الطيبة شعارك، ولتجر الكلمة الطيبة دوماً على لسانك

بالكلمة الطيبة تستطيع أن

تنادي المدعو وتدعوه بأحب الأسماء إليه وأوقعها في نفسه،

فهو أسلوب محبب إلى قلب المدعو
تدع للمدعو إلى الاستجابة لأمر الله وأمر رسوله من خلال الترغيب في الخير والترهيب من الشر
تربط حياة المدعو بمعاني الإسلام قولاً وعملاً من خلال العيش معه عيشاً جماعياً
تشيع كل عمل إسلامي تراه أو تسمع به،

فهي وسيلة لزرع الحس الإسلامي في نفوس الناس
تأمر بالمعروف وتنهى عن المنكر بالحكمة والموعظة الحسنة
تذكر المدعو بفضائل الأعمال الصالحة،

فهي من أهم الحوافز إلى عمل الخير والاستزادة منه
تشكر كل من ساهم في نشر الخير والدعوة،

ففي هذا الشكر تشجيع للعاملين للعمل الخيري والدعوي
تطرح مشاريع خيرية ودعوية في المجالس العامة والخاصة ولك أجر الدلالة على الخير
تشجع كافة أعمال البر والخير لاسيما في مجال الدعوة ونشر العلم
تكتب مقالاً في مجلة أو جريدة أو إنترنت وغيرها من وسائل الإعلام المقروءة والمرئية
تقدم نصيحة إلى الآخرين، فالدين النصيحة
تهدي ضالاً، وتعلم جاهلاً، وترشد تائهاً، وتذكر غافلاً
تدعو كافراً إلى الإسلام
تبذل شفاعة حسنة
تقدم رأياً وتقترح فكرة
تروح قلباً وتنفس كربةً
تبلغ آية وتروي حديثاً وتنقل فتوى
تحيي سنة وتميت بدعة
تنشر دعوة، تنشط خاملاً، وتنمي موهبة وتخطط مشروعاً
تعلن عن محاضرة أو كتاب أو شريط مفيد

وماذا عن الغيبه ؟؟

تحذير النبي صلى الله عليه وسلم من آفات اللسان عموماً:

عن سهل بن سعد أن النبي صلى الله عليه وسلم قال:

((من يضمن لي ما بين لحييه وما بين رجليه أضمن له الجنة))

قال ابن حجر: الضمان بمعنى الوفاء بترك المعصية . . .

فالمعنى: من أدى الحق الذي على لسانه من النطق بما يجب عليه أو الصمت عما لا يعنيه

صور الغيبة وما يدخل فيها :

ذكر النبي صلى الله عليه وسلم بأن الغيبة إنما تقع فيما يكرهه الإنسان ويؤذيه فقال:

((بما يكره))

حكم الغيبة، وأدلة تحريمها في القرآن والسنة، وأقوال السلف في ذلك:

الغيبة حرام بإجماع أهل العلم كما نقل ذلك النووي .
واختلف العلماء في عدها من الكبائر أو الصغائر

قال تعالى:

{ ولا يغتب بعضكم بعضاً أيحب أحدكم أن يأكل لحم أخيه ميتاً فكرهتموه واتقوا الله إن الله تواب رحيم}

[الحجرات:12]

قال تعالى:

{ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان}

[الحجرات:11]

{ويل لكل همزة لمزة}

[الهمزة:1]

وقد تقدم معنى الهمز واللمز وأن كليهما من الغيبة.
وقال قتادة في تفسيرها : يأكل لحوم الناس ويطعن عليهم.
وقال الزجاج: الهمزة اللمزة الذي يغتاب الناس ويغضهم.

وأما قوله {ويل} فقد ذكر له المفسرون معنيان:

1- أنها كلمة زجر ووعيد بمعنى: الخزي والعذاب والهلكة.
2- أنها واد في جهنم.

أدلة تحريم الغيبة من السنة:

قال صلى الله عليه وسلم :

(( فإن دماءكم وأموالكم وأعراضكم عليكم حرام كحرمة يومكم هذا في شهركم هذا في بلدكم هذا))

كيفية التخلص من الغيبة:

1- تقوى الله عز وجل والاستحياء منه:

ويحصل هذا بسماع وقراءة آيات الوعيد والوعد

وما جاء عن النبي صلى الله عليه وسلم من أحاديث تحذر من الغيبة ومن كل معصية وشر، ومن ذلك

{أم يحسبون أنا لا نسمع سرهم ونجواهم بلى ورسلنا لديهم يكتبون}

[الزخرف:80]

وقد قال صلى الله عليه وسلم:

((استحيوا من الله عز وجل حق الحياء ، قلنا : يا رسول الله إنا نستحي والحمد لله ، قال: ليس ذاك ، ولكن من استحى من الله حق الحياء فليحفظ الرأس وما حوى ، وليحفظ البطن وما وعى))

2- تذكر مقدار الخسارة التي يخسرها المسلم من حسناته

ويهديها لمن اغتابهم من أعدائه وسواهم.قال صلى الله عليه وسلم :

(( أتدرون من المفلس؟ قالوا: المفلس فينا من لا درهم له ولا متاع ، قال : المفلس من أمتي من يأتي يوم القيامة بصلاة وزكاة وصيام ، وقد شتم هذا وضرب هذا وأكل مال هذا ، فيأخذ هذا من حسناته ، وهذا من حسناته ، فإن فنيت حسناتهم أخذ من سيئاتهم فطرحت عليه ثم طرح في النار))

3- أن يتذكر عيوبه وينشغل بها عن عيوب نفسه ، وأن يحذر من أن يبتليه الله بما يعيب به إخوانه

قال أنس بن مالك:

” أدركت بهذه البلدة – المدينة – أقواماً لم يكن لهم عيوب ، فعابوا الناس ،فصارت لهم عيوب ، وأدركت بهذه البلدة أقواماً كانت لهم عيوب فسكتوا عن عيوب الناس ، فنسيت عيوبهم” .

4- مجالسة الصالحين ومفارقة مجالس البطالين:

قال صلى الله عليه وسلم :

((مثل الجليس الصالح والجليس السوء كمثل صاحب المسك وكير الحداد ، لا يعدمك من صاحب المسك ، إما أن تشتريه أو تجد ريحه ، وكير الحداد يحرق بيتك أو ثوبك أو تجد منه ريحاً خبيثة)) .

5- قراءة سير الصالحين والنظر في سلوكهم وكيفية مجاهدتهم لأنفسهم:
قال أبو عاصم النبيل: ما اغتبت مسلماً منذ علمت أن الله حرم الغيبة .

6- أن يعاقب نفسه ويشارطها حتى تقلع عن الغيبة.

جزاء الغيبة:

1- الفضيحة في الدنيا:

2- العذاب في القبر:

3- العذاب في النار:

كفارة الغيبة:

الغيبة كغيرها من الكبائر فرض الله التوبة منها:

قال تعالى:

{ وتوبوا إلى الله جميعاً أيها المؤمنون لعلكم تفلحون}

[النور:31]
والتوبة النصوح هي التي تحقق شروط التوبة وهي:

أ‌- الندم: قال صلى الله عليه وسلم : ((الندم توبة))
ب‌- أن يقلع عن الذنب قال ابن القيم : “لأن التوبة مستحيلة مع مباشرة الذنب” .
ج- العزم على أن لا يعود إليها
وهذه الشروط مطلوبة في سائر المعاصي ومنها الغيبه

قال ابن المبارك:

وإذا هممت بالنطق في الباطل *** فاجـعـل مكـانـه تسـبيحـاً
فاغتنام السكوت أفضل من  *** خوض وإن كنت في الحديث فصيحاً

هوا يعني ايه كلمة موزة !! ؟؟

طبعا كل الشباب والبنات عارفين .. يعني ايه كلمة موزة

بس كل حد بتختلف نظرته للكلمه من مفهومه هوا الشخصي  ..

انا شخصيا بكرهها جدا الكلمه دي ..

و انا مش اعرف عنها غير زي ما عرفت ده لما سألت أول لما سمعتها ..

انها كلمه بتتقال للبنوته الحلوة والجميله ..

بس مش عارفه ليها معني تاني او لاء !؟

الحقيقه يا جماعه انا اترددت كتير اني اعمل الموضوع ده بس .. اعذروني والله

اللي حصل وشوفته بعيوني خلاني بجد أعمله عشان أسألكوا و أفهم !!

الاول كنت اسمع ان الولاد هما الي بيقولوا الكلمه دي علي البنات ..

لكن ان البنات هيا الي تقول كده علي الولاد .. !!!!!!!!

بجد دي صعبه اوي .. معقوله احنا وصلنا للدرجه دي ؟

الحدوته والي فيها اني كنت مع صحباتي في محل

وكان فيه ام وابنها حوالي خمس سنين زي القمر ما شاء الله ..

فضلنا نتفرج عليه انا وصحباتي .. ونضحكله من بعيد .. وفجأه كانت الصدمه ..

لما سمعت البراءه دي كلها .. بتجري من اول باب المحل لحد مامته .. وبيقول بأعلي صوته ..

” ماما موزه … ماما موزه “

طبعا المحل كله بص لباب المحل عشان يشوف الموزه دي شكلها ايه

طلعت بنت داخله وماسكه في ايد خطيبها ..

مش عايزة اقولكوا كان منظرها ايه لما الكل بص عليها ..

وخطيبها كان مضايق اوي بجد ..

———–

سؤالي دلوقتي :

يعني ايه كلمة موزه بالنسبه ليك \ ليكي ؟؟

ممكن بنت تسمح لنفسها تقول كده علي ولد ؟ وليه ؟

ويا تري الولد بيقولها للبنات ليه ؟ ويا تري يسمح ان حد يقول كده لاخته ؟؟

ويا تري الكلمه بقت عادي اوي كده لدرجه ان الاطفال كمان بيستخدموها دلوقتي ؟؟

مستنيه اعرف رأيكوا

سلام عليكم

محمد محسن

لم يكن شابا عاديا نعرفه .. ولم تمنع صلة القرابه وان كانت بعيده بيننا

من أن نبادر ونقوم بنشر الجروب الخاص به علي موقع الفيس بوك

محمد محسن

جعله الله لنا كرساله من العالم الآخر

كان يحب الله ورسوله وكان قلبه عامرا بالخير

و كان يتمنى القيام بالكثير من الاعمال التى ترضى الله و رسوله اثناء وجوده فى الحياة الدنيا

لمدة 21 سنه و لكن لم يسعه القدر لفعل الكثير

محمد محسن

توفى فى حادث سيارة اثناء عمله كان على جانب طريق سريع وكان بمفرده

وسبحان الله انحرفت السيارة عن مسارها وصدمت محمد

وتوفى فى الحال

ونحسبه شهيدا في سبيل الله ولا نزكي علي الله أحدا

((اللهم اغفر له

وارحمه وعافه واعف عنه واكرم نزله ووسع مدخله واغسله بالماء والثلج والبرد

ونقه من الخطايا كما ينقى الثوب الابيض من الدنس وابدله دار خيرا من داره

واهلا خيرا من اهله وزوجا خيرا من زوجه وادخله الجنه واعذه من عذاب القبر

ومن عذاب النار )).

وادعو الله ان يكون هذا الجروب لمساعدتكم على القيام بما يرضى الله و رسوله و اسالكم الدعاء

له بالرحمه و المغفره

وده لينك الموقع الخاص بمحمد محسن علي الفيس بوك

(( رساله من العالم الآخر ..))

أتمني تدخلوا وتدعوا لمحمد بالمغفره والرحمه وان ربنا يصبر مامته وأهله

و ياريت تنشروا الموقع قد استطاعتكم

وجزاكم الله كل خير

شقيه و مجنونه
ترمي نظراتها الخجلة ببراءه و حنان
تتمني لو العالم ملكها
لما جرح ضعيف و لا بكي يتيم و لا استعمرت أي بلده

:•:[ لست سوي طفله ]:•:

إذا ما كبر همها بقلبها غسلته قطرات المطر
و إذا زادت همومها محاها ضي القمر
و بقبلة صغيره
غفت ليلها و هجرت السهر

:•:[ لست سوي طفله ]:•:

.هاربة من عالم الأحزان
خائفة من قسوة الزمن و الإنسان
أحبت يوما و جرحت
و مارست علي عشقها النسيان
فنسيت من أحبت ونسيت الحب معه
و وعدت أن لا تملك قلبها لأي سلطان
فارحموني من عاطفة خرساء و كلمات جوفاء
فلا أريد حبا و لا أريد عشقا
و لا أريد غرام

:•:[ لست سوي طفله ]:•:

من ها هنا أهتف
إني طفله صغيره
ارحموا أحلامي البريئه
لا تطالعوا الأنثي التي أسكنها
و ترموا حبالكم علي لأسكنها
لا تقتربوا مني تتسابقون..

تري…

من تربع علي كرسي قلبي؟
و يمسي ملكا لقلعتي الحصينه؟

:•:[ لست سوي طفله ]:•:

اتركوني ألعب و أجري
ألاحق الفراشات في طفولة و أقطف الأزهار في شقاوه
و أسابق النهر و حين أتعب أتوسد العشب الأخضر
متناسية أنوثتي
فأنا طفلة
و أريد أن أظل طفله….

:•:[ لست سوي طفله ]:•:

و ما أسعدني من طفله
فقد تحررت من قيد الأنوثه و تركتها ورائي
و أقفلت بابي بوجه عشاقي
و علقت لافتتي علي قلبي الصغير
و أنا أكتب بالخط العريض

-{ لست سوي طفله }-

طفلة تنظر من خلف الأبواب الموصدة و من خلف الغيوم
تنظر لعل الأمل يأتي من بعيد
لعل الشمس يوما تشرق من جديد
لعل الحب يداوي قلب

[ الطفله ]

الموضوع بإختصار زي ما شفته في بلوجات ومدونات كتيــــــــر

عباره عن اعتراف عن 6 أسرار في حياة كل شخص محدش يعرفه غيره

وبعد كده الشخص الي اعترف ده بيختار 6 أشخاص يعترفوا بعده بس كل واحد في بلوجه

انا غيرت الفكره خالص

انا عايزة أعترف مثلا ب 6 اعترافات وهكتب اسم حد واحد بس يعترف بعدي في البلوج بتاعه

ولما يعترف هو كمان يختار حد واحد بس … وهكذا دواليك

و الشخص اللي تم اختياره يذكر اسم

اللي اختاره ورشحه للموضوع ده في بلوجه لما يعمل الموضوع

خليني أبدأ وأعترف ببعض أسراري مش كتير يعرفها ..

امممم .. أبدأ منين

ايه خلاني اختارهم 6 بس !!

يلا هبدأ أهو خلاص

بسم الله

1-

أول اعتراف هتعرفوه عني .. ومش كتير يعرفه اني عصبيه جدا

مزاجيه بطريقه كبيره بمعني متقلبة المزاج

وده عيب قاتل بيضايقني في شخصيتي جدا .. جاري اصلاحه ان شاء الله

2 –

احساس بقالي كام يوم كده بقوله .. بجد حاسه اني نفسي في بيبي اوي

إحساس الأمومه زايد عندي بطريقه كبيره الأيام دي يمكن عشان ولاد اخواتي ربنا يحميهم

وبدعي ربنا يكرمني بالزوج الصالح

وعلي إثره الذريه الصالحه ان شــــــــــــاء الله

3 -

بعترف اني زدت كتيـــــر ومحتاجه بجد الحق نفسي واخس شويه

مشكلتي لما بزعل أو اضايق أو اتوتر باكل كتير

هحاول اخس والله بس البت كات كات دي ترحمني من العشا بتاع كل يوم

هو ده اللي عمل فيا كده

4 –

بعترف اني ندمت شويه اني مكملتش في الدراسات العليا لان تقديري كان يسمح بده بسهوله

بس كسلت خالص بعد الليسانس ودخلت في مجال الكمبيوتر و الكورسات والفوتوشوب

بس هحاول اقدم واكمل ان شاء الله

5 -

بعترف اني متسرعه جدا في اتخاذ اغلب قراراتي ولازم استشير حد يكون بجد بيحبني

وكمان مشكله تانيه بحكم علي الناس بسرعه كبيره يعني ممكن من اول موقف كده

ولو كان وحش تلاقوني قفلت جامد من الشخصيه دي

مش بقاطعها بس باخد حذري جامد منها

6 -

اخيرا بقي بعترف ان فيه حاجات كتيره اتغيرت في شخصيتي السنه دي

والحمد لله للاحسن مع وجود بعض السلبيات جاري العمل علي التغلب عليها

.

.

بس كده خلصت الحمد لله

هختار مين بقي يعترف 6 اعترافات محدش يعرفها

.

.

.

.

هختار

.

.

.

S a n d y . h

هاجر يلا حبيبتي خدي شعار الموضوع عندك

واعترفي ب 6 اسرار في حياتك محدش كتير يعرفها

انا مش هحددلك الأسئله السته الي مفروض تجاوبيها وهسيبهالك مفتوحه

وبعدها اختاري حد تاني بعدك

يارب الفكره تكون عجبتكوا

سلام عليكم

أختى هـــل أحببتي من قبل ؟ ؟

أخى هـــل أحببت من قبل ؟ ؟

ها

هتردوا ع الســــــــــؤال ده ؟ ؟

طبعاً انتوا بتقولوا لا طبعـــــاً مش هنرد

إيه يا جماعه هو الحـــــــــــــــــــــــــــب عيب ؟ ؟ ؟

ولا حــــــــــــــــرام ؟ ؟ ؟

خلاص متجوبوش تسمحولى أجاوب أنــــــــــــــــــــــــــــا ؟ ؟

.
.
.
.

نعم أحببت من قبــل

ممكن اتكلم عنه شويه…….بجد مش بزهق من الكلام عنه

هكلمكم عليه.
.
.
.
.

لو كان اللى حبتوه ده غنى……….أنا حبيت أغنى الاغنياء
لو اللى حبتوه كريـــــم …………. حبيبى يعطى بلا حدود
لو اللى حبتوه جابلكم دهب والماس…….أنا حبيبى جابلى ما لايقدر بمال
لو حبيبكم بيحبكم أوى……..أنا بقى حبيبى بيحبنى من قبل ما أتولد
لو حبيبكم بيخاف عليكم أوى ……….أنا حبيبى جايبلى حراس يحرسونى
لو كتبلكم قصائد وجوابات ………..أنا كتبلى كتــــــــــــــــــــا ب

.
.
.
.
.
·

أحببت من أعطانى دون أن أسأل
· من أنعم علىّ دون مقابل
· من فضلنى على كثييييييييييييييير من عباده
· من أعطانى صحهً وسلبها كثير من عباده
· من أعطانى سكناً ومأوى
· من أعطانى عقلاً وقلباً
· من أعطانى أماً وأباً
· من سخر لى من فى الكون
· من أعطانى سماءً لارتوى من مطرها
· من أعطانى شمساً أنعم بدفئها
· من حفظنى ورعانى وانا لا حول لى ولا قوه
· من عفر لى حين أذنبت فى حقه
· من لم يحرمنى من عينى وأنا أنظر بهما لما حرم
· من لم يشل لسانى وأنا أنطق به ما يكره
· من لم يسلب عقلى حين نساه وغفل عنه
· من أحببنى من قبل أن أحبه
· من أقبل إلىّ وهو الغنى عنى
· من تودد إلىّ وأنا الفقيـــــــره إليه
· من…………
· من………….
· من …………

والله لو ملأت صفحات كلامــــاً عنه لن أوفيه شكراً على اصغر نعمه أنعمها على

إنى أحببت من ليس كمثله شىء

انه الله الرحمن الرحيم

…………….

بالله عليكم من ممن أحببتموه مثل حبيبى ؟ ؟ ؟ ؟ ؟ ؟

للأسف أخوانى وأخواتى كثيراً منّا يعطى قلبه لمن لا يستحق وينسى من أعطاه قلباً يحب….كثيراً من يفنى عمره فى حب زائــــــــف ويغفل عن حبيب لا يغفل عنه أبــــــــــداً……

لذا لن أعطى قلبى إلا لمن خلقه
.
.
..

لا أقصد أنكم لا تحبون أزواجكم وأولادكم وأصدقاؤكم و …….
ولكنى أقصد ألا يلهكم حبهم عن من يستحق هذا الحب

قال تعالى فى سوره التوبه:

((قُلْ إِنْ كَانَ آَبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّى يَأْتِيَ اللَّهُ بِأَمْرِهِ وَاللَّهُ لَا يَهْدِي الْقَوْمَ الْفَاسِقِينَ (24)))

How Is EveryOne Doing ?

Inshaallah You All Doing Great!

For Those Of You Who Remember Me ….

( BIG Thanks )

& Don’t Worry Any More ..

I’m Back Again & I’m Fine Now Elhamd Lellah

& BIG WELCOME TO THE NEWEST PERSONS

IN MY BLOG

Salaaaaaaaaaam

سأغيب قليلا .. ولكن لي عوده إذا شاء الرحمن

عما قريب ..

لا تحرموني من صالح دعائكم

SIMSIMA