الفرق بينك وبين رئيسك في العمل
إذا أخذت وقت طويل في عمل ما فأنت بطئ…
لكن اذا أخذ رئيسك وقت طويل في ذلك فهو دقيق
اذا لم تعمل ما كلفت به فأنت كسول ..
لكن اذا لم يعمل رئيسك ما كلف به فهو مشغول
اذا عملت خطأ فأنت أبله ..
لكن اذا عمل رئيسك خطأ فهو بشر
اذا كنت في اجازة مرضية فأنت دائما مريض..
لكن اذا كان رئيسك في يوم
اجازة مرضية ..بالتأكيد أنه مريض جداً
اذا اتخذت موقفا ما فأنت مغرور…
لكن اذا عمله رئيسك فهو حازم
اذا أسعدت رئيسك فأنت متملق…
ولكن اذا رئيسك أسعد رئيسه فهو متعاون
اذا عملت شئ ما بدون أن تكلف به…
فأنت متجاوز لصلاحياتك… اما اذا
عمل رئيسك نفس الشئ فهي مبادرة…
اذا خرجت من مكتبك بالتأكيد انك تتجول في الخارج…
اما اذا فعل رئيسك نفس الشئ فهو في مهمه عمل
إذا أغمضت عينيك فأنت نائم…
اما اذا أغمض الرئيس عينيه فهو يفكر في طرق تطوير العمل
زادت .. عوامل التعريه
التعري يجتاح العالم ..
لازلت اتعجب من هذا لكائن الجميل الذي خلقه الله سبحانه وتعالى ،
واسماه “انسان “ ،و كيف لا اتعجب ، وقد وضع الله فيه قدرات هائلة غير محدودة ان هو
” اراد استخدامها”
، والعجيب اكثر هو ان نفس الأنسان يستطيع ان يعطل كل قدراته ويصبح مجرد
” تابع لهواه و عبداً له ”..
موضوعي انهارده بيتكلم عن موجة التعري .. الي اجتاحت العالم كله
والي يهمنا هو العالم الإسلامي
شايفين الصوره الي فوق ..؟
دي صورة شجره من غير ورق ..لأنها في فصل الخريف
أقرب تشبيه لها بأنها شجره عاريه عن الورق ..
بس دي طبيعتها ودي دورتها الي مخلوقه عشان تكملها
يعني بتأدي دورها الي ربنا خلقها عشانه
أما بقي ان الخريف يوصل للبني آدمين كمان ويوصلوا لمرحلة التعري البشعه
الي بنشوفها فده الي مش طبيعي ابدا 
بجد عايزة اتكلم معاكوا ونحاول نشوف
ايه أسباب وعوامل التعريه الي انتشرت بين البشر
وخاصة المسلمين منهم حاليا ؟؟
وازاي نحل الموضوع ده هل نكتفي بنفسنا بس ؟؟
وملناش دعوه بالعالم الي حوالينا ؟؟
ولا ننصح الناس الي بنشوفها ماشيه في الشارع كده ؟
مهما كان رد فعلهم بارد ومستفز ؟
يا ريت اعرف أرائكوا
سلام عليكم
أصوات تزعجنا …
أصوات تزعجنا …
كتير أوي لما بنكون مركزين في حاجه أو حتي مش مركزين
فيه أصوات لايمكن نستحملها أبداااا 
وبتكون مزعجه لحد كبير لينا , حتي ولو صوت صغير اوي
بس بمجرد ما بتلاحظه بيبقي مشكله كبيره اوي
زي مثلا
صوت عقارب الساعه
صوت العصافير ساعات كتير بتبقي مزعجه
صوت الميه لما بتنزل نقطه نقطه
( بتنرفزني جدا دي )
صوت دق المسامير في الحيط
صوت الخبط بضوافر الأيد علي الخشب
صــــــــــــــــوت الكــــــــــــعب العــــــــــــــــــالي
( وخاصة في لجنة الامتحان )
وبالنسبه ليا كل اللي فات بيزعجني جدا
وخاصة الأصوات الي علي وتيره واحده اللي مش فيها تجديد
—
انتوا بقي يا تري ايه أكتر الأصوات الي ممكن تسبب ليكوا الإزعاج
علي فكره : ساعات أصوات بعض البني آدمين بتكون مزعجه لأقصي الحدود
( خاصة الصوت الرفيع اوي ونبرته هاديه )
في انتظار مشاركاتكوا وآرائكوا في الموضوع المزعج ده
سلام عليكم
Easily Write Your C.V ….
السلام عليكم ورحمه الله وبركاته
برنامج رائع لعمل
C.V
تلقائى بلغات متعددة
هذا البرنامج هو عبارة عن برنامج يطلب منك معلوماتك الخاصة
بطريقة سهلة ليقوم هو بتحويلها على شكل
C.V
إحترافى ..
حجمة 11.46 ميجا
إضغط على الرابط لتحميله
http://www.sarmsoft.com/product/resumebuilder/setup.exe
السيريال
800CAEFB779BDF0C50DCE2D55010A368CFC7E9FBB8038B4013 BCC57186B8B09D062C1927118A779A4D9F4E2080B10F8B83F1 D5474FD83F18F75537C9CFD9E0BE915065746572205A617261 676F7A61
أتمني الإستفاده للجميع
لا جديد .. ما دامت الغيوم تملأ سمائي
هل حان وقت رحيلي ؟؟؟
مع كل قرار بالرحيل …
يزداد حنيني
فاللقاء فرح يترقب ساعه الرحيل
… والدموع جافة منذ اللقاء الاول
… و حتى اللقاء الاخير
وكأنه حلم أن نلتقي …
وكأنه حلم
لم يعد فينا عمر آخر
و لا شوق آخر
فالشوق انتحر على باب البعد
أصبح حلماً هو الآخر
ولكنه لا فرار …
لا فرار من أخذ القرار
هذا ما هربت منه ليل … نهار
و ما يتبقي من حروفي سوي …
بقايا حروف
ولا جديد …
ما دامت الغيوم تملأ سمائي
وقلبي تائه ….
والكل استباح إيذائي
—
Copyright © 2000-2008 , Asmaa
انت يا من تتفن ..في النقل
أتريد الإستئذان أم السرقه ؟
سأترك الإجابه لضميرك
… Let’s smile …
……
Smiling is infectious ; you catch it like the flu
……
When someone smiled at me today I started smiling too
……
I passed around the corner and someone saw my grin
……
When he smiled I realized I’d passed it on to him
……
I thought about that smile , and realized its worth
……
A single smile , just like mine , could travel round the Earth
……
So if you feel a smile begin, don’t leave it undetected
……
!! Let’s start an epidemic quick and get the world infected
هل أنت حزين ؟
هل أنت حزين ؟
إن كنت فقيرا فغيرك محبوس في دين
و إن كنت لا تملك وسيلة نقل فسواك مبتور القدمين ،
لا تحزن
و ان كنت تشكوا من آلام فغيرك يرقدون على الاسرة البيضاء و من سنوات ،
و ان فقدت ولدا فغيرك فقد عددا من الأولاد و في حادث واحد
لا تحزن
لأنك مسلم آمنت بالله و رسله و ملائكته و اليوم الآخر و القضاء خيره و شره
لا تحزن
إن أذنبت فتب ، و إن أسأت فاستغفر ،
و إن أخطأت فأصلح ، فالرحمة واسعة و الباب مفتوح ، و الغفران جم ، و التوبة مقبولة
لا تحزن
لأن القضاء مفروغ منه ، و المقدور واقع ،
و الأقلام جفت ، و الصحف طويت ، و كل أمر مستقر ،
فحزنك لا يقدم في الواقع شيئا و لا يؤخر، و لا يزيد و ينقص
لا تحزن
لأنك بحزنك تريد ايقاف الزمن ، و حبس الشمس ،
و ايقاف عقارب الساعة ، و المشي الى الخلف و رد النهر الى مصبه
لا تحزن
لأن الحزن كالريح الهوجاء تفسد الهواء و تبعثر الماء و تغير السماء ،
و تكسر الورود اليانعة في الحديقة الغناء
لا تحزن
و أنت تملك الدعاء ، و تجيد الانطراح على عتبات الربوبية ،
و تحسن المسكنة على أبواب ملك الملوك ، و معك الثلث الأخير من الليل ،
و لديك ساعة تمريغ الجبين في السجود
لا تحزن
فإن الله خلق لك الأرض و ما فيها ، و أنبت لك حدائق ذات بهجة ،
و بساتين فيها من كل زوج بهيج ، و نحلا باسقات لها طلع نضيد ،
و نجوما لامعات ، و خمائل و جداول ، و لكنك تحزن !!
لا تحزن
فأنت تشرب الماء الزلال ، و تستنشق الهواء الطلق ،
و تمشي على قدميك معافى ، و تنام ليلك آمنا
لا تحزن
أما ترى السحاب الأسود كيف ينقشع ، و الليل البهيم كيف ينجلي ،
و الريح الصرصر كيف تسكن ، و العاصفة كيف تهدأ ؟!
إذا فشدائدك الى رخاء ، و عيشك الى هناء ، و مستقبلك الى نعماء
لا تحزن
لهيب الشمس يطفئه وارف الظل ، و ظمأ الهاجرة يبرده الماء النمير ،
و عضة الجوع يسكنها الخبز الدافيء ، و معاناة السهر يعقبها نوم لذيذ ،
و آلام المرض يزيلها لذيذ العافية ، فما عليك الى الصبر قليلا و الانتظار لحظة
لا تحزن
فإن عمرك الحقيقي سعادتك و راحة بالك ، فلا تنفق أيامك في الحزن ،
و تبذر لياليك في الهم ، و توزع ساعاتك على الغموم ،
و لا تسرف في اضاعة حياتك فإن الله لا يحب المسرفين
اللهم ارحمني بترك معاصيك أبداً ما أبقيتني،
وارحمني من تكلف ما لا يعنيني،
وارزقني حسن المنظر فيما يرضيك عني،
اللهم نور بكتابك بصري، واشرح به صدري،
وفرح به قلبي، وأطلق به لساني،
كارثه إسمها كلمني … شكرا
كلمني … شكرا
البوست ده عباره عن قصه بجد بتمثل قد ايه ان رسالة
( كلمني … شكرا )
دي حاجه مستفزه لأبعد الحدود
وأعتقد مفروض يعملوا رساله ترد عليها ويسموها
( إرحمني .. شكرا )
ياريت تقرأوا القصه و يا رب اشوف تعليقاتكوا عليها وعلي الموضوع نفسه ككل
هيا قصه طويله شويه بس هتعجبكوا ان شاء الله 
(1)
رن الموبايل , فخطا بتثاقل من السرير إلى المكتب
ليرى من المزعج الذي يهاتفه في وقت كهذا , رقم غريب
” آلو…”
إزيك ؟
مين معايا
أنا رضوى
أهلا يا رضوى
إنت بعتـّ لي من حوالي ساعة رسالة ” كلمني شكرا “
أنا آسف أكيد كتبت الرقم غلط , أنا كنت باعتها لواحد صاحبي
طيب أصل أنا إتخضيت فكرت فيه حد عايزني أكلمه
أنا آسف جدا
إنت متأكد إنك مش محتاج حاجة
لا شكرا ربنا يكرمك
لا فعلا لو عايز تتكلم أو تقول أي حاجة مفيش مشاكل
هو أنا عايز أنام دلوقتي بصراحة
إنت لو محرج صدقني مفـ….
أغلق الخط و ضبط الموبايل على
silent
و عاد إلى السرير…
(2)
في طريق العودة إلى الكلية رن الموبايل , كان مرهقا بالنسبة له أن يرد على أي أحد في الميكروباص , أغلق الخط دون ان يخرج الموبايل من جيبه , و مباشرة بعد أن دخل البيت رن الموبايل مرة أخرى , بدا له نفس الرقم الغريب الذي أيقظه بالأمس , يختلف عن رقم صديقه ” رامي ” في رقم واحد أخير , لم يكن متأكدا لذلك رد سريعا
“آلو…”
إنت إزاي تقفل في وشي إمبارح ؟
إنتي مين !
أنا رضوى ….
أيوه يعني رضوى مين يعني , أنا مش فاهم إيه اللي بيحصل ده مقلب ولا إيه بالظبط
اللي بيحصل إنك إمبارح و بدون أي مبررات سمحت لنفسك
تبعت لي رسالة حوالي الساعة 12 بالليل و لما أكلمك تقفل الخط في وشي
انا قلت لك إنها إتبعتت غلط !
طيب هو ده غلطي أنا , رسالة من مجهول وصلتني
و حسيت إنه ممكن يكون حد عايز مساعدة أو أي حاجة فإتصلت أشوفه…تقوم تقفل الخط في وشي
فكر أنه لا داعي أن يخبرها أنها كانت مزعجة إلى أقصى حد بالأمس , فقط سينهي الموضوع بهدوء
خلاص أنا آسف فعلا , حقك عليا
ينفع كده ..و أنا اللي قعدت حوالي ساعتين ما بين الرسالة ما وصلتني
لحد ما كلمتك عمالة أفكر لحسن يكون حد محتاج يتكلم
أو أي حاجة و مش لاقي حد جنبه فبعت الرسالة دي لأي رقم ؟…تقوم تعمل معايا كده !
قالت عبارتها الأخيرة بنبرة معاتبة كأنها تعاتب طفلا صغيرا شد شعرها بقسوة خلال اللعب , لم يعد لديه أدنى شك أنه مقلب من أحد الأصدقاء..
أغلق الخط دون أن يرد , فكر أيهم قد يفكر في شئ كهذا…
(3)
رن الموبايل حوالي خمس مرات . نفس الرقم , رضوى تبدو مثابرة إلى حد بعيد , أغلق الخط في كل مرة وهو يفكر أنها ستكون الأخيرة و سيمل السخيف الذي يمزح معه من اللعبة المملة …
أرسلت له رسالة : ” مش من حقك تعمل معايا كده ….لو سمحت رد عليا ” , لم يرد , أرسلت له رسالة أخرى : ” أشكرك…أنا فعلا بشكرك على ذوقك ” , بعدها لم تكرر رضوى المحاولة , لإسبوعين تقريبا لم يصله منها أي رسائل أو مكالمات و كل يوم كان يخمن أن أحدهم سيهاتفه ضاحكا و يحكي له تفاصيل المقلب كاملا ..
لكن الموبايل رن مرة أخرى حين كان في مسجد الكلية يستعد لإرتداء حذائه و الخروج ,
لا يدري لم تحديدا شعر أنها رضوى رغم أنه ليس نفس الرقم الذي تتصل منه كل مرة ,
“ألو…”
إزيك ؟
رضوى ؟
أيوه , إيه ده عرفت صوتي إزاي ؟
من الآخر يا رضوى مين اللي مديلك رقمي عشان تعملي معايا المقلب البايخ ده ؟
إنت إزاي تكلمني كده !…أنا ما أخدتش رقمك من حد
أمال إيه الإزعاج بتاعك ده إنتي عايزة إيه ؟
صرخ فيها بقوة و هو يبتعد عن المسجد بخطوات سريعة …
لم تجب رضوى…سكتت , واصل بصوت جامد :
لو إتصلتي بيا تاني أنا حبلغ عن رقمك إنتي فاهمة ..؟
إنت ليه بتعمل معايا كده
كانت رضوى تبكي ..
كان ذلك واضحا له تماما , نهنهة خفيضة بدأت تعلو فيسمعها بوضوح و يتجمد في مكانه …
لا زال يقلّب إمكانية المقلب بنسبة كبيرة , إلا أن البكاء الذي يصله الآن من الموبايل يبدو حقيقيا جدا..
يا رضوى طيب أنا المفروض أعمل إيه ؟
متعملش حاجة..أنا مش عايزة منك حاجة…
أنا الحق عليا فكرتك محتاج حد تحكيله بس محرج تقول …
مفيش حد بيبعت رسالة فيها كلمني شكرا بالغلط …
الحق عليا أنا فكرت أوفر عليك الإحراج و أكلمك عشان تحكي
و تقول اللي إنت عايزه ..ولما إنت مش عايز تتكلم مع حد…
إزاي تدي لنفسك الحق إنك تتدخل في خصوصياتي و تبعت لي على موبايلي رسالة…
و بعدين تقولي إنك مش عايز تتكلم …أنا بقالي إسبوعين من آخر مرة كلمتك
و ما ردتش عليا وأنا حاسة بالذنب إني سبتك لوحدك و ما أصرّتش إنك تحكي…
فكرتك محتاج حد بجد…بس فعلا أنا اللي غلطانة..
…….!!
أنا مش حكلمك تاني , أنا مسافرة أصلا السعودية بكرة…
حروح أقعد مع بابا و ماما هناك بعد ما خلصت الأجازة…
وإنت حر لو مش عايز تتكلم ..بس أنا كنت عايزة أساعدك عشان عارفة قد إيه وحش
إنك متلاقيش حد تحكيله …هناك في الرياض بقعد حوالي 11 شهر مش بتكلم مع حد…
محدش بيسألني عن أي حاجة ولا عايز يسمع أي حاجة…
بابا و ماما مشغولين في الشغل و مفيش جيران ولا أصحاب
ولا أي حد من قرايبنا بيتصل يطمن عليا…ببقى حموت من الوحدة…
و بابا مش راضي يجيب لي كمبيوتر هناك عشان مدخلش على الشات عشان حرام..
حلفتله والله مش حكلم ولاد بس هو خايف..الموبايل اللي بكلمك منه ده موبايل تيتة …
موبايلي مفيهوش رصيد و كلها ساعة و ترجع تيتة و مش حكلمك تاني عشان حكون سافرت..
كان يسمع بإنطباع ثابت ثم ارتبك عندما انتهت فجأة من الكلام بشكل متواصل و سريع لدقيقة كاملة..
إنتي في سنة كام يا رضوى ؟
أنا في ثالثة ثانوي ..
بدأ صوتها يهدأ تدريجيا…
بدرس هناك في الرياض و بنزل هنا أقعد مع تيتة في أجازة نص السنة
طيب يا رضوى ..أنا عايز أقولك بس إن الرسالة فعلا وصلت بالغلط…بجد ..
أنا مكنتش عايز أتكلم مع أي حد أنا بس كتبت رقم موبايل صاحبي غلط فوصلت ليكي…
أشكرك على إهتمامك و آسف تاني.
استسلم تماما لكي يصل إلى نهاية واضحة ,
حتى ولو كانت قهقهة صاخبة تعلن أنه أخيرا وقع بكامل إرادته في المقلب
لكن رضوى ردت بهدوء :
ولا يهمك أنا بس كنت عايزاك تعرف يعني إيه
حد يفضل قاعد إسبوعين حاسس بالذنب عشان متصلش تاني يشوفك عايز تتكلم ولا لأ…
إنت مش متخيل يعني إيه حد يبعت لك رسالة بيقولك فيها كلمني شكرا…
أنا من ساعة ما نزلت مصر ما وصلتنيش ولا رسالة من أي حد غير ماما …
مبكلمش حتى بابا عشان مشغول..يقوم لما حد يبعت لي رسالة عايز يتكلم
أقوم بسهولة كده أسيبه لوحده ؟
خمّن أنها أكيد لا تعرف خاصية ” كلمني ..شكرا “
يا رضوى دول مجرد كلمتين بلا أي معنى الناس بتبعتها لما ميكونش معاها رصيد…
شركة المحمول بتسمح لكل واحد إنه…
مفيش كلام مالوش معنى…أي حد بيبعت رسالة أكيد بيقصد اللي كاتبه فيها
رضوى لديها قاموس ضخم على ما يبدو
تأكد من الورطة التي تسببت فيها خدمة تافهة تتيح لكل مستخدم
إرسال ثلاث رسائل من الـ ” كلمني …شكرا ” يوميا بعد إدخال الكود
و رقم المفترض أنه الحضن الكبير الذي ستـُـفرغ في أذنه
كل أحزانك و آلامك الشخصية كما تفترض رضوى…
لا يصدق أن هناك أحدا يهتم بهذه الدرجة بـ ” كلمني ..شكرا ” من رقم غريب !
…يا رضوى أنتِ لو وقفتي الناس في الطريق و قلتي لأحدهم بكل رجاء ” كلمني…شكرا ”
سيتركك و يمضي دون أدني إحساس بوخز الضمير..
عماذا تتحدثين بالضبط يا رضوى ؟
عندك حق فعلا…أنا آسف و أوعدك إنها مش حتحصل تاني..
يعني إنت بجد مش عايز تحكي و محرج تقول ؟
لا يا رضوى…
إنت إسمك إيه طيب ؟
زياد
إنت في كلية يا زياد؟..شكلك كبير
أنا في كلية طب..
ماشي يا دكتور زياد…أنا نفسي أدخل كلية طب…
بس مش عارفة حجيب مجموعها ولا لأ …
عندنا هنا نظام الثانوية العامة مختلف…هنا المواد بتـ…
رضوى معلش أنا مضطر أقفل عشان عندي محاضرة…
أوك يا زياد و بجد لو إحتجت تحكي في أي وقت ماتتردش تتصل
أكيد يا رضوى
سلام يا زياد
سلام
لم يصدق أن المكالمة انتهت , كان يبتسم في دهشة وهو يقترب من المدرج ,
فاته تقريبا ربع ساعة من المحاضرة , ذهنه كان مشغولا كليا بصوت طفلة الثالث الثانوي الرقيق
الذي يثرثر دون توقف .., بعد المحاضرة لم يصدق ,رن الموبايل.., رقم رضوى !
…الصبر يا رب !
آلو أيوه يا رضوى خير ؟
زياد…
أيوه يا رضوى أكيد انا زياد
أنا شحنت مخصوص عشان أقولك شكرا
العفو يا رضوى على إيه
لا بجد أنا بشكرك عشان إنت اهتميت تسمعني و مقفتلش في وشي
أحسّ بالذنب..
لا يا رضوى متقوليش كده
زياد
أيوه..
أنا حسافر بكرة…
كان ينتظر ان تكمل , لم يكن متوقعا أن تتوقف مبكرا هكذا ..
تروحي و تيجي بالسلامة
خلي بالك من نفسك …أوك ؟
حاضر !
ولو إحتجت أي حاجة…أي حاجة أي حاجة بجد…ما تترددش تكلمني…و أنا حبـ..
رضوى أنا حبقى مشغول جدا الفترة الجاية و أكيد لو إحتجت أي حاجة حقولك …
أشكرك…تروحي و تيجي بالسلامة..مع السلامة يا رضوى
مع السلامة يا زيا…
أغلق الخط ثم أغلق الموبايل ثم ألقاه بسرعة في جيبه و هو يزفر في قوة…ينعل أبو ” كلمني شكرا “…
(4)
بعدها بأيام لم تتصل رضوى , زياد كان يضحك كلما يتذكر المكالمات الطويلة,
التي تنطلق فيها رضوى بصوتها الطفولي الرفيع في سرعة و تتابع…بابا ..ماما…تيتة…
إنت متعرفش يعني إيه حد يبعت لك “كلمني شكرا ” ..,
يفكر أنها تحتاج أن تتعلم الكثير , لا أحد بالتأكيد يمكنه أن يواصل الحياة بهذا الشكل..
ستتعبين كثيرا يا رضوى .
أيام و نسي الأمر كله…إلا إنه استيقظ بغتة ليلة الخميس
على صوت رسالة وصلت حالا على الموبايل..قام بتثاقل إلى المكتب…
كان رقما غريبا….رقم دولي…و عبارة وحيدة مكتوبة بالفرانكو آراب :
Kalemny..shokran
—-
عارفين ايه المشكله ؟؟ بعد القصه دي ؟؟
انها مش مجرد قصه خياليه .. بس للأسف واقعيه
وفعلا رسالة
( كلمني .. شكرا )
دي بعتبرها كارثه .. طبعا لما بتستخدم بطريقه غلط
لانها رساله استفزازيه لأبعد الحدود .. غير انها باب مفتوح للمعاكسات التليفونيه
احنا شفنا زياد طلع محترم في قصتنا .. ومحاولش يلعب بالبنوته ..
بس الله أعلم غيره كان ممكن يعمل ايه لو مكانه ؟
عايزة أشوف رأيكواااا
سلام 
- – -
ملحوظه رفيعه :
الموضــــــــــــــــــــــــــوع مش منقـــــــــــــــــــــــــــول
وأمانه علي اللي ينقله في مكان يكتب المصدر
بجد انهارده كان يوم جميل ..
بجد كان يوم جميل ..
في البدايه كان شبه اليوم اللي قبليه .. بشتغل ومندمجه في الشغل
وكمان بدخل ابص ع المنتدي من وقت للتاني
يا دوب الساعه 3.00 لاقيت تليفوني رن .. ايه ده ؟
دي البت سلمي ( كات كات ) بتتصل
هيا خلصت ولا ايه ؟!
ولاقيتها بتقولي تعالي مستنياكي
مستنياني فين يا بت ؟ 
وسمعت صوت رضوي وبتقولها ايوة خليها تيجي .. ضحكت
المهم قررت اكسر الملل وانزل الجامعه واقابلهم
يادوب خلصت الشغل .. ولبست وكل شويه البت ترن ترن ترن
يا سلمي خلاص انا جايه اهو
انتي فين دلوقتي كل ده بتيجي ؟؟
انا هركب التاكسي خلاص انتوا فين ؟
قدام مسجد علوم
خلاص خلاص شويه وهتلاقيني
وركبت فعلا التاكسي وفضل ماشي ماشي ماشي كتير اوي
مش عارفه ليه الطريق كان طويل كده انهارده ؟
المهم اخيرا وصلت
وخلاص قربت لمسجد علوم .. ومن بعيد سمعت اسمي بيتقال
” استنوا أسماء جايه .. “
بصراحه بحسبها أسماء تانيه مش أنا في الاول
ولما قربت لاقيت
” MeMe “
شافتني و جريت عليا وسلمت
بجد فرحت انها لسه فاكراني 
وبجد فرحت لأني شفت كل البنات الي حبيتهم من المنتدي
” كتكوته .. رودي .. هبه .. نور القلب .. بوسي كات ..
مون سيستر .. وسام .. وبنات كتير زي العسل “
ويا رب مكونش نسيت حد
وسلمت علي شلة البت كات كات
” هند .. دينا أحمد .. دينا رمضان .. رضوي ( كوكي ) .. رضوي ( توتا ) .. رحمه “
فرحت اوي اني شفتهم بجد كان نفسي اشوفهم
ويا خساره فيه بنات كان نفسي اشوفهم برده مش لحقتهم كانوا مشيوا
زي مثلا بسمه .. هاجر .. حبيبتي ياسمين ألف سلامه عليها
حبيبة الرحمن .. رفيده .. رزان ..wild flower ..
بنوته زي العسل eng smsma
….وباقي بنات المنتدي الحلوين
ودخلنا صلينا العصر في مسجد علوم
وخرجنا ووقفنا اتكلمنا شويه
وبعدها البت كات كات وشلتها خدوني
ورحنا كلنا في كوك دور .. وقعدنا واتكلمنا
وبعدها سلمنا علي بعض
واتمشينا انا و سلمي وهند
من قناة السويس لحد الاستاد
ولا حسينا بتعب ولا وقت
اللي يضحك اننا وقفنا تاكسي لهند عشان تركب
ونسيت تسلم علينا .. قامت راجعه والراجل كان هيتشل مننا
بجد كان يوم جمييييل
وكسر شوية الملل الي كانوا عندي , وأحسن حاجه اني شفت أحلي بنات
اللي حبتهم من المنتدي .. وحبتهم أكتر انهارده لما شوفتهم
طولت اوي معلش بس بجد فرحانه وكان لازم أكتب بوست عن اليوم الحلو ده
كفايه كده بقي صدعتكوا .. سلااااام
